شد الحبل ما هو شيْ الصعب شد الشبكة على الشامة الشمالية لابرّح جمل عمي كرمال الجورانية الريّس قاسهي والغدا ع راسهي إحلب الناقة يا سليمان واسقي الرقاقة يا سليمان [إسقي الرقاقة: أي بلل خبز الرقاق بالحليب] ع السبات وع السبات جانا الصيد ومر وفات يا رايح على العريش سلمولنا على السبخات [ منطقة صيد شهيرة في العريش ] ع السبات ياريّس مالك يا حظ متيّس ع السبات لف ودور والسردينة في البحور أنظر يا عمر ودوّر واطّللع على السبخات قدامك سردين إرمي الفلّين ودوّر حشرت الكوم يا ريّس وان شالله نوَسَق يا ريّس [ نصيد كمية كبيرة ] كل ما مرقت عجوز دس راسها في الجراب كل ما مرقت صبية زنزن يا شيخ الرباب في فيّ التينة جننتينا وانتو بردتو واحنا حمينا ع البَراد وع البراد يالله نسرح ع البراد قبل ما يشوفنا الطرّاد [الطرّاد: مركب خفر السواحل] يالله يا ريّس إمشي ودوّر ما يهمّك من بنات الحور يالله يا ريّس ع البراد وتصدى لابو جراد يالله يا ريّس فيه سردين يا ميسر يا معين ياريّس قدّامك كوم إن شفته ما يلومك لوم يا ريّس إرمي فلَين حشرنا كوم السردين يا الله يا ريّس أضرب فلّين إحنا عالله متكلين سردينة عملت رشاق للأكيل المشتاق البحر كبير والموج بيخابط ومركب ريّسنا ع المينا رابط شدو الهمة يا شباب تنلحق ركب الاحباب يا الله يارب متين أردب وان خس الكيل وقّي يارب طاح ابو شمبر خضاري آه من دك الأباري آه من دوني ودونه آه من كحلة عيونه ياللا يا ابو محمد إسحب والشيمة والله نايمة [ الشبك ] يا محلا الديك هاي هاي يا محلا مكاكاتو هاي هاي يامحلا النشمي هاي هاي والعرق تحت اباطو يا بحر وين البحّار تيقولك هيلا ويلف السبع بحار في يوم وليلة هيلا هيلا هيلا صار البحر غريب لما انكسر الشراع مالو أخ وحبيب والحلم منو ضاع القدر بيسير يكسر أشد اضلاع أما سهم الجريح يقتلنا ويله هيلا هيلا هيلا يا بحر صارت الشباك تنده علينا هيه هيه وانا واعداي شدينا أيادينا نصبو الأهل الشراك كسرو سارينا خانو كما خُنّا ضاعو يا ويله هيلا هيلا هيلا يا بحر رمل السوافي غالي علينا وان زاد الحمل على كتافي تشيلو عينينا والروح فوق الاكتاف والله عاطينا أحلى كلام على شفافي فلسطيني هيلا هيلا هيلا هيلا كون سبع كون قبضاي هَمْ هَمْ هَمْ يالله كلوها هَمْ هاي هاي هاي هيلا والله هاي والدايم الله هاي وتمر الأيام وموج البحر عالي وجبيني رغم الأسى بيلالي دمعي سفينة نوح وجرحي إشارة ع صدر الزمن يحكي موالي وأناجي البحر واقولّو يا بحر مهما طال ليل العدا راجع ويبقى لفوق لفوق لفوق مرفوع شراعي ويبقى حب الوطن نشيدي وقصيدي وأجمل أشعاري هيلا هيلا هيلا يا بحر واسع ياريّس مالو قرار ياريّس موجك عالي ياريّس موجك هدّار ياريّس عندك بحرية ياريّس وزنود قوية ياريّس صافيين النيّة ياريّس البحر كبير ياريّس قطّع جنازير ياريّس البحر جبال ياريّس قطّع الحبال ياريّس الريح سميّة ياريّس طمّعهم فيّة ياريّس الريح معاكس ياريّس والخشب مسوّس ياريّس أوعى تتيّس ياريّس[ للفت انتباه الريّس كي لا يفلت السمك]