نزل عَ الدبكه اللَّويحِ الشَّاطِرْ حاطِطْ عَ صديره ذَهَبْ قَناطرْ * * * على دلعونا، وعلى دلعونا وباذنَ الله، وما بتغلبُونا * * * يَ اللي بتغَنِّي، وارفَعي صُوتِكْ بحيَا عَ حياتِك، وبموت عَ موتِكْ وان كان يا بنَيَّه، زوقِي ع زُوقَك رُوحِي تَ نشرِّقْ عَ ((مرجعـيونا)) * * * على دلعونا، وعلـى دلعونا من شُوف الولفْ لا تحرمونا * * * طيـر طاير، وين بدَّك تروح علمت عيني عَ البُكا، والنُّوحْ صارلي سنه وست اشهر ع الفرشه مطروح ولا شُفت احبابي، ولا احبابي شافونا * * * يا ام الجديله، ويا جِنْحِ الغرابِ ما دُمت بنتْ، لاظل عزَّابي لاطلع للقاضي، واكتب كتابي وعَ دين ((محمد)) احسن ما يكونا * * * يا امِّ الجــديله، يا امِّ الجديله عينِك عَ كلِّ الشَّبابِ تميلِ والله يسترنا من هذا الجيلِ والبنتِ بتهجمْ عَ الشَّبِّ هجُوما * * * على دلعونا عَ دلعتْها بـطَّه وحمامه عَ قَبِّتها * * * رحنا ع الغربه، وطالتْ غيبتنا وابكوا علينا يا رفاقتْنا بالله ان قعدتوا تجيبوا سيرتنا حتى عَ العَــشَا تتذكرونا * * * على دلعونا يا حبايبنا وبَطَّلنا نوخذ من قرايينا والله لَنُوخذ اللي بيعجبنا واللي ما يعجبنا، يسكترْ منْ هونا * * * حملت الجَرَّه، وجـوزِ العَسَالي اخذت النـذلْ معاها عتاله سَكْتر يا نذلْ، ما انت حلالي حلالي بالدبكة يتهزهزونا * * * من طناشر سنه، ومتوَلِّع بيك وبحكي مع بَيِّكْ، ما كان يعطيك خَلِّيك ببيته، يظلِّ مخَبِّيك حتى الجَمَلْ، يطْلَعْ لُه قرونا * * * يمَّه يا يمَّه، ما بدِّي الشَّايبْ قلبي منْ جورِ الليالي ذايبْ بَخَّاش القبرْ، عَلِّي النَّصَايبْ رُشُّوا عَ قبري زهرِ الليمونا * * * والعنبْ عَ امُّه، والعنبْ عَ امُّه خمَّجِ العنبْ، ما حَدا لَمُّه يقطَعِ النِّذِلْ واللي بتلمُه ما عرف يحلِّ ازرار القمصانا * * * تمامِ تقولي، وتمامِ تعدِّي شايبْ ما بُوخذ، أرمل ما بدِّي بدِّي حبيبي ينام بحَدِّي ونشمِّ الهوى بجبل عجلونا * * * يا فرد الموزريا توماتيكي وتظلك حرسْ عَ اللي يعاديكِ واطناشر سنه، بَعَلِّم بيكِ ورُحتِ لغيري وانا المحروما * * * يَّمه يا يمَّه حبيبي وينُه حَطُّوا لي البحر ما بيني وبينه لاقطعِِِِ البحر، وانامْ بحضينه واشرب من مية ((عين الزيتونا)) * * * دبلة الخُطبه ليشِ لبستيها والعيشِه الرَّدِيِّه، ليشِ قبلتيها كله منِ امِّك، الله يجازيها اعطتك للنذل، عشتِ مَهيونا * * * على دلعونا، ليش دَلَّعتيني عرفتيني شايب، ليشَ اخذتيني لاكتب سلامي ع ورق تينِ وكل ما اشتقتوا، تيجوا تزورونا * * * بدَّكْ دلعونا، عندي حواصلْ بَرِّيَّة المخبَّى تحتِ السناسلْ * * * يَ اللي بتغَنِّي، وغَنِّي بالعالي وعشره مثلَكْ ما بييجوا قبالي * * * وعَ الزنزلخته، وعَ الزنزلخته ريتكْ يا حلوه من حَظَّي وبختي بِدَّكْ ابادل تَ ابادِلْ باخِتي وبِدَّكْ مصاري، بدفع مليونا * * * دخيله الله، اللي اعتلى فوقك مِنْ عايروني، لازيدِ بشوقكْ يا دخيلَ الله، يا دخيلْ رَبِّكْ شو عملتِ لي، تَ صُرتَ احِبِّكْ * * * طارتْ طَيَّاره، وبالسَّما تلْعَبْ خيلِ الصَّواري عَ الميِّه تشربْ خيلِ الصَّواري عَ الميِّه تشربْ يمَّه، يا يمَّه قرَصْني عقربْ نادوا لي احبابي، ييجوا يداوونا * * * طارتْ طَيَّاره، وحلفَتْ ما تهَدِّي بيها الأراملْ، تلعَب الشَّدِّه هيه، يا أرامل، قُومِنْ من حَدِّي ريحةِ الأرامل مَرَضْ، وسخونا * * * حملَتِ الجَرَّه، وقالت حَمِّلني والجَرَّه ثقيله، الله يرمِّلني * * * والجوز الاول كان مدلِّلني والجوز الثاني، عنده مهيونا * * * نزلتْ عَ الدَّرَجْ طَخَّه عَ طَخَّه ودعسَت بقلبي، ما قلتَ انا: أخَّه عَ راسِ اكتافي لانصُبْ لكْ فَخَّه واصيدِكْ صيد الحَجَلْ، ياعيونا * * * والهوى نَسَّمْ، والهوى نَسَّمْ وحبيبِ القَلِبْ ضحَكْ وتبَسّْمْ دخيله الله، والخالق رَسَّمْ واللي حَطِّ لِكْ جُوزِ العيونا (دلعونا)